ديسير بالفواكه

بغيتو تبردو هاد الصيف

مرحبا بيكم عندي

المقادير

أولا الكريم:

3 معالق كبار مايزينة

1/2 لتر حليب

سنيدة حسب الذوق

1فاني

ثانيا: فواكه مشكلة ( قطعيها طراف صغار)

التزيين

الشكلاط - دانون أو crème fraiche

هنا استعملت الخوخ والتفاح

بالإمكان استعمال الموز و الفريز كايجي غزااال

المهم اللي وجدليك والفاكهة اللي بغيتي

بالنسبة ليا استعملت ضعف المقادير

 

غانبداو

كاتخلطي مقادير لكريم

وديريهم ف كاصرونة فوق العافية ونتي كاتحركي

حتى يعقد

من بعد

حيديه من فوق العافية وبقاي كاتحركيه يبرد شوية

وزيدي عليه الفواكه اللي قطعتي

(إلى درتيه و هو سخون كايوليو لفواكه بحال إلى طايبين)

خلطيهم

من بعد بقاي تهزي بمغرفة

وقسميه ف زلايف

هنا زينتها بالخوخ مقطع

ودرت عليه دانون وحكيت فوقهم الشكلاط

راه كايعطي بزاف غي أنا صورت هاد 3

من بعد دخليه للثلاجة يبرد وكايولي متماسك

وقدميه للحبايب